Title

KASANAYANG PANG-EMPLEYO PAGGANAP SA TUNGKULIN AT KASIYAHAN SA TRABAHO NG MGA NAGTAPOS SA EDUKASYONG PANGGURO

Author(s)

MYKAH R. ABERGAS

Affiliation

MISAMIS UNIVERSITY

Degree Program

Bachelor of Secondary Education (BSEd) – Filipino

Contributor

TUASTOMBAN, JOENARD L. - Adviser

BALUYOS, GENELYN R. - Instructor

GENERALAO, WINLOVE JOBELLE E. - Panel

DABALOS, LIEZEL JOY C. - Panel

Year

2024

Abstract

Sa isang dinamiko at kompetitibong pamilihan ng paggawa, inaasahang ang mga nagtapos sa larangan ng edukasyon ay hindi lamang nagtataglay ng sapat na akademokong kaalaman pati na rin ng mga kasanayang kinakailangan upang maging matagumpay sa kanilang prosesyon. Sinuri sa pag-aaral na ito ang ugnayan sa pagitan ng mga kasanayan sa kakayahang makapagtrabaho, pagganap sa trabaho, at kasiyahan sa trabaho ng mga nagtapos sa edukasyon mula sa isang pribadong unibersidad sa Lungsod ng Ozamiz saTaong Panuruan 2024–2025. Partikular nitong tinukoy ang namamagitang papel ng pagganap sa trabaho sa ugnayan ng mga kasanayan sa kakayahang makapagtrabaho at kasiyahan sa trabaho. Gumamit ang pag-aaral ng disenyong deskriptibo–korelasyonal na may pagsusuring medyasyon kabilang sa mga kalahis ang 102 nagtapos sa edukasyon na pinili sa pamamagitan ng simpleng random na sampling. Ang mga datos ay nakalap gamit ang mga estrukturado at beripikadong instrumento ng sarbey at sinuri gamit ang Mean, Standard Deviation, Spearman’s Rank-Order Correlation, at mga teknik sa pagsusuring medyasyon. Ipinakita ng mga natuklasan na mataas na antas ng mga kasanayan sa kakayahang makapagtrabaho, pagganap sa trabaho, at kasiyahan sa trabaho ng mga respondente. Natuklasan din ang makabuluhang positibong ugnayan sa pagitan ng mga kasanayan sa kakayahang makapagtrabaho at pagganap sa trabaho, gayundin sa pagitan ng mga kasanayan sa kakayahang makapagtrabaho at kasiyahan sa trabaho. Higit pa rito, ang pagganap sa trabaho ay makabuluhang namagitan sa ugnayan sa pagitan ng mga kasanayan sa kakayahang makapagtrabaho at kasiyahan sa trabaho, na nagpapahiwatig na ang mga nagtapos na may matibay na kasanayan sa kakayahang makapagtrabaho ay may tendensiyang mas mahusay ang pagganap sa kanilang trabaho, na siya namang nagpapataas ng kanilang antas ng kasiyahan. Binibigyang-diin ng pag-aaral ang kahalagahan ng pagpapatibay ng paglinang ng mga kasanayan sa kakayahang makapagtrabaho sa mga programang pang-edukasyon ng guro upang mapabuti ang parehong kinalabasan sa pagganap at kasiyahan ng mga nagtapos, habang hinihikayat din ang mga institusyong
pang-edukasyon at mga tagapag-empleyo na magpatupad ng mga estratehiya na higit pang magpapahusay sa kakayahan at pagiging epektibo ng mga nagtapos sa lugar ng trabaho.

Keywords

kasanayan sa kakayahang makapagtrabaho, kasiyahan sa trabaho,
mga nagtapos sa edukasyon, pagganap sa trabaho, pagsusuring medyasyon